ZARAUTZ
Txirrindularitza Zarautzen bizi egiten da. Hemen bizikleta ez da soilik mugitzeko modua; bizimodu bat da, paisaia sentitzeko era bat, askatasunaren sinboloa. Itsasoaren eta mendien artean, haizearen erritmoan, pedal kolpe bakoitzak emozioa pizten du.
Horregatik, harrotasunez hartzen dugu Itzulia Womeneko etapa irteera. Emakume txirrindularien indarra, ausardia eta talentua ospatzeko egun berezia izango da. Zarautzek bihotza jarriko du errepidean.
ZARAUTZ
Gure herria bi gurpilen gainean dabil: hondartza zabalaren urdinak, inguruko mahasti eta mendien berdeak, eta bizitza ospatzen dakien herri baten taupadak gidatzen dute. Pintxo artean, txakoli kopa batekin eta parrillen usainean partekatzen da Zarautz.
Bat egin zarauztarren “grupetarekin”, bizi etaparen zirrara eta utzi Zarautzek zurekin pedalei eragiten. Maiatzaren 15ean, helmuga baino gehiago izango da Zarautz: abiapuntu ahaztezina izango da.
