Donostiak eremu txiki batean biltzen ditu bisitari batek desira ditzakeen ezaugarri horiek guztiak: munduko lekurik ederrenetako bat da, non tradizioa eta modernitatea bat datozen ingurune ikusgarri batean, kultura eta nortasun propioak ditu eta hiriko gastronomia onarpen handia erdietsi du bai estatuan bai nazioartean.
Gure hiriak denetik eskaintzen du: garraio publiko garbiko sare zabala, Kursaal Kongresu Jauregiaren eta horren antzeko ikono arkitektoniko ospetsuak, hotel eskaintza zabala eta, batez ere, mundu osoan erreferente bihurtu den sormen handiko gastronomia.
Donostia ezin hobea da oinez edo bizikletaz ibiltzeko, eta oinezkoentzako eremu zabalak izateaz gain, kostaldean zehar hedatzen diren 80 km-tik gorako bidegorriak (bizikleta-bideak) eta pasealekuak ere baditu.
